ESP: Family Day 2020

FAMILY DAY 2020

Pamilya, sila ang mga taong unang nagmahal sayo simula noong isinilang ka. Ang nanay at tatay mo ang nasa iyong tabi sa panahong natutumba ka habang natututong lumakad, at nasa tabi mo habang sinasambit mo ang unang mga salitang lumabas sa iyong bibig. Ang aking pamilya ay hindi kumpleto at perpekto. Ako ay isang produkto ng broken family ngunit hindi iyon naging hadlang para gawin ng aking mga magulang ang tungkulin nila. Silang dalawa ay minsa’y magkasundo minsan naman ay nag-aaway sila dahil sa amin ng aking kapatid.

Sa family day ng Asian College of Technology noong January 27, 2020, ako ay masaya sapagkat hindi man kumpleto ang aking pamilya dahil wala ang aking ama masaya ako dahil kahit maraming ginagawa ang aking ina nagawan niya parin ng paraan na makapunta sa espesyal na araw para sa pamilya ng aking eskwelahan. Naganahan akong sumayaw sapagkat alam kong nanonoud ang aking ina at ipinagmamalaki ko rin ang aking talent. Naroon din ang aking kasintahan na tinuring na rin na isang parte ng pamilya namin.

Hindi lamang ito araw para sa pamilya, para sa akin ay araw rin ito ng mga magkakaibigan at kaklase. Sa mga araw na kami ay nagprapractice hindi mapapalitan ang mga ngiti sa mga labi naming habang ang iba ay nagsasabi ng kanilang jokes, ang mga kahihiyan moments at iba pang mga ginawa naming sa mga araw ng practices. Sa mismong araw na rin na iyon, dinecorate naming ang booth, kahit hindi kompleto may iba rin na nagpaganda ng simula ng aking araw na sina Gianne, Emmy, Tiffany at iba ko pang kaklase.  Kahit ang pag eensayo naming para sa sayaw na halad para kay Sto. Nino ay napakasaya sapagkat ang makukulit na mga ugali ng CAT Leaders ay lumabas.

Sa mismong araw na iyon, na feel ko ng mas sobra ang pagmamahal ng aking ina. Nandoon siya na sumusuporta kasama ang aking kasintahan habang tumitingin sa akin na puno ng pagkamangha ang mga mata nilang dalawa. Hindi rin kami nag away ng aking kapatid sa araw na iyon at para sa akin isa itong himala sapagkat palagi talaga kaming nag-aaway.

Hindi man nakasama ang aking ama dahil isa siyang seaman at nagtratrabaho siya, hindi niya kinalimutan na tumawag sa akin at nagpasabi sa aking ina na kumuha ng bidyo sa aking sayaw dahil gusto niyang makita. Tumawag rin ang aking ama habang kami ay kumakain ng aking ina at kasintahan.

Kahit ganon ang nangyari sa aking Family Day, hindi kumpleto ay para narin itong kumpleto dahil sa pagmamahal na ibinibigay at ipinapakita ng aking pamilya sa araw na iyon. Simpleng pagtawag ng aking ama upang bumati ng Happy Family Day sa akin kahit siya ay hindi makapunta ay nagpapasaya sa akin. Kahit umuwi ng maaga ang aking ina dahil may trabaho pa siya ay kitang-kita ko ang effort niya sa pagpunta upang magkaroon lang kami ng pamilya sa araw na iyon.

Narealize ko na ang ating pamilya ang nandyaan sa oras na tayo ay nangangailangan. Sobrang dami man nilang ginagawa at kinakailangan puntahan, uunahin ka parin nila kapag alam nila na kailangan ang presensya nila doon. Para sa akin simple man ngunit ito’y nagpapalambot ng aking puso na nagreresulta ng pagkamahal ko pa para sa aking pamilya